#217 Meeqqanik arsaarinnittarneq / Tvangsfjernelser af børn del 3 Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#217 Meeqqanik arsaarinnittarneq / Tvangsfjernelser af børn del 3

August 26, 2025 • INUNA • Season 6 • Episode 217

Inuppalaartuunngilaq

Qallunaat nunaanni majimi inatsisitigut meeqqanik angerlarsimaffiup avataanut inissiisarnermut tunngasunik allannguisoqareernerata kingorna suli kalaaleqatitta qitornaasa angerlarsimaffiup avataanut inissinneqartarnerat tusarsaavoq, allaallumi inunnguinnaavissut arsaarinnissutigineqartarlutik.

Inoorlaannguit inunngornerminnit akunnerup ataatsip qaangiunnerani peerneqartarnerat immikkoortumi uani sammineqarpoq.

Anaananngorlaat inoorlaallu pisariaqartitaat paasisaqarfigerusullugit ernisussiortoq Ceci oqaloqatigineqarpoq.

Saniatigut anaanaq qitornaminik angerlarsimaffiup avataanut inissinneqarsimasuutilik misigisaminik oqaluttuartoq tusarfigissavarput.

Det er ikke menneskeligt

Selvom lovgivningen om tvangsanbringelser af grønlandske børn blev ændret i maj i år, hører vi fortsat historier om børn, der bliver fjernet – endda lige efter fødslen.

I denne episode ser vi nærmere på tvangsfjernelser af nyfødte. For at forstå, hvilke behov både mor og barn har i den første, sårbare tid, taler vi med jordemoder Ceci.

Vi møder også en mor, der selv har oplevet at få sit barn tvangsanbragt, og som deler sin stærke og personlige fortælling.

Aallakaatitassiamik suliarinnittut / Tilrettelægger: Sara Fredsbo
Peqataasoq / Medvirkende: Ceci-Marie Mott Christiansen & Ditte
Speak: Arnannguaq Gerstrøm &Emanuel Hansen Frederiksen

Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen

Siullermik aallakaatinneqarpoq August-imi 2025-mi.

INUNA podcast
Isiginnaartitsinermik suliaqarfiup, Nordisk Teaterlaboratorium-ip ilagaa, INUNA
podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.