INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#218 Nukarliliaq / Den yngste

August 28, 2025 • INUNA

Utoqqalillunga nunannguara qimallugu

Ilaqutariinni asanninnerujussuaq qitornanut ernguttanullu ingerlateqqinnissaa pingaaruteqarpoq.

Qatanngutigiippassuarneersuulluni ilinniagaqarnissaq peroriartornermini pingaartinneqarsimasoq, meeraallunilu atuariartorluni aallarnini ullumikkumut kingunerisa sunniutai ilaatigut eqqarsaatersuutigisarsimasani utoqqalereerluni ilinniaqqikkami inissiillunilu paasisaqarfigisimavaa.

Inuiaqatigiinnut sunniuteqarluarnissaminik siunertaqartuarsimavoq, massakkullu qallunaat nunaanni najugaqalersimanini, soraarnermusiaqarninilu eqqartortariaqartutut ilaatigut eqqaavai.

Misilittakkani paasisanilu aallaavigalugit ilaatigut iliuuseqarusussusilik paasisitsiniaarusuttorlu, siornatigut borgmesteriusimasoq Marianne Jensen immikkoortumi uani tusarnaarsinnaavat.

At forlade mit land i mine ældre dage

Kærligheden, Marianne Jensen har oplevet og lært gennem familien, har hun altid set som en livsvigtig værdi – en kærlighed hun ønsker at videreføre til både børn og børnebørn.

Hun er vokset op i en stor søskendeflok, hvor uddannelse var en central del af opdragelsen. Det betød, at hun måtte flytte hjemmefra for at studere – en beslutning, hun i dag som pensionist og nyuddannet kandidat reflekterer over med både fordele og ulemper.

Gennem livet har Marianne haft et stærkt ønske om at gøre noget godt for sine medmennesker og samfundet. I dag bor hun i Danmark, hvor hun blandt andet ønsker at skabe mere dialog om pension i Grønland – et emne hun mener fortjener langt større opmærksomhed.

Med sin store erfaring, sin viden og sin baggrund som tidligere borgmester, arbejder Marianne for at udbrede kendskabet til Grønland i samfundet.

I denne episode kan du høre hendes inspirerende historie.

Aallakaatitassiamik suliarinnittut / Tilrettelægger: Najaaraq Kriegel & Sara Fredsbo
Peqataasoq / Medvirkende: Marianne Jensen
Speak: Arnannguaq Gerstrøm & Emanuel Hansen Frederiksen

Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen

Siullermik aallakaatinneqarpoq August-imi 2025-mi.

INUNA podcast
Isiginnaartitsinermik suliaqarfiup, Nordisk Teaterlaboratorium-ip ilagaa, INUNA
podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.