#222 Sapiissuseq neriunnerlu / Mod og håb Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#222 Sapiissuseq neriunnerlu / Mod og håb

September 11, 2025 • INUNA • Season 6 • Episode 222

Charlotte Joelsen nunatta kujataani Qaqortumi inunngorsimavoq, naak illoqarfinni arlalinni peroriartorsimagaluarluni Nuummi peroriartornera sivisunerpaasimavoq.

Charlotte 2001-imili Horsensimut nuuassimavoq, massakkullu ukiullu 20-t sinnerlugit qallunaat nunaanni najugaqareerluni. Qallunaat nunaanni najugaqarnermini qitornaminik angerlarsimaffiup avataanut inissiineq misigisarsimavaa, arsaagaareernerup kingorna meeqqani qaninnerulerusullugit Thistedimut nuussimavoq, ullorlu mannalu tikillugu Thistedimi najugaqarluni.

Charlotte marloriarluni qitornaminik arsaagaasimavoq, taamaakkaluartorli ukiorpassuit sorsuutigiuarsimavaa meeqqani angerlaqqinnissaat, ullumikkullu meeqqani najorlugit inuulluni.

Charlottep misigisalikkersaarnermini eqqaavaa naleqartingaaqisani, tassaasut inuunermik allannguisinnaaneq, meeqqallu pinerullugit aalajangiisinnaaneq, tunniutiinnajuissuserlu.

Charlotte er født i Qaqortoq i Sydgrønland og voksede op i flere byer, men størstedelen af sin barndom tilbragte hun i Nuuk. Siden 2001 har hun boet i Danmark – først i Horsens og senere i Thisted, hvor hun bor den dag i dag.

I denne episode deler Charlotte sin personlige fortælling om at få sine børn tvangsanbragt hele to gange. Hun fortæller om den hårde kamp for at få dem hjem igen, en kamp hun aldrig gav slip på – og som i dag betyder, at hun bor sammen med sine børn.

Charlotte sætter ord på sine værdier i livet: at turde ændre sig, at sætte grænser for sine børns skyld – og aldrig at give op.

Aaqqissuisoq / Tilrættelæggelse: Sara Fredsbo.

Peqataasut / Medvirkende: Charlotte Joelsen & Emanuel Hansen Frederiksen.

Erinniat aamma nipit / Musik og lyd: Petra Banke & Arnannguaq Gerstrøm.

Nipinik katiterisoq / Lydredigering: Emanuel Hansen Frederiksen.

INUNA Podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA Podcast-imilu Arnannguaq Gerstrøm aqutsisuuvoq.

INUNA Podcast, med Arnannguaq Gerstrøm som projektleder, har hjemsted i Nordisk Teaterlaboratorium.