INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#235 Tikiusaaq

October 28, 2025 • INUNA • Season 6 • Episode 235

Danmarkimi annerusumillu Aalborgimi kalaallit peqatigiiffii arlalissuupput.

Taamaakkaluartoq arnat pingasut Nordjyllandimi najugallit peqatigiiffimmik immikkuullarissumik pilersitsisimanerat pillugu immikkoortumi uani tusarnaarneqarsinnaavoq.

Peqatigiiffik Tikiusaaq piorsarsimassutsimik ingerlatsinissartik tunngavigalugu Folketingemit aningaasanik annikinngitsunik tapiiffigineqartut suliassatut pilersaarutaat pillugit oqaloqatigineqarput.

Suunuku kalaallit qallunaat nunaanni najugallit akornatsinni piorsarsimassutsikkut maqaasisarigut?

Peqatigiiffimmik pilersitsisut arnat pingasut soqutigisatik aallaavigalugit kalaallinik minnerunngitsumillu qallunaanik allamiunillumi, kalaallit piorsarsimassutsikkut ileqquinik sammisaqartinneqartarnissaannik aliikkusersorneqartarnissaannillu suliniuteqarusullutik ilaatigut imminnut ilisaritinnerminni eqqartuipput.

Allakaatitassiami suliarinnittut tassaapput:

Aaqqissuisoq / Tilrettelægger: Sara Fredsbo
Peqataasut / Medvirkende: Gitte-Anna Biilmann, Paninnguaq Falck Petersen & Ivalo Lyberth Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen