INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#240 Nuummi Iganeq / Kokkerering i Nuuk
Immikkoortumi uani Sara Arnanguarlu igaffimmi nerisassiornerminni immiussipput.
Nuummiipput, tassanilu tikaagullimmik pissarsisimariaramik igavaat. Iganerminni Nuummiinnertik pillugu oqaloqatigiipput. Ilaatigut misigisatik, sooq Nuummiinnerlutik aammalu nerisassat kalaallit kulturianni qanoq pingaaruteqartiginersut pillugit oqaloqatigiillutik.
Igaavi qalammata neriartoqqusaat aamma peqataalerpoq, taannalu tassaavoq Tikaajaat Kristensen.
Igaffimmi illariallattaajutaa tipigialaarsuarmi oqaloqatigiinneq nuannerpoq.
Nuummi igaffimmi immiussat nuannerluinnartut tusarnaakkit.
I denne episode står Sara og Arnanguak i køkkenet – helt bogstaveligt.
De er i Nuuk, hvor de har fået fat i noget lækkert hvalkød, og mens maden tilberedes, taler de om, hvordan det er at være i byen, hvad de laver dér, og om madens betydning i den grønlandske kultur.
Midt i den hyggelige stemning får de også besøg af Tikaajaat Kristensen, som kommer til middag og deler sine tanker om både måltidet og hverdagen i Nuuk.
Det bliver en lun, afslappet og sanselig køkkensnak fyldt med grin, duft og kultur.
Lyt med til en varm og hyggelig episode direkte fra køkkenet i Nuuk.
🔸 Aaqqissuisoq / Tilrettelæggelse: Sara Fredsco
🔸 Medvirkende / Peqataasut: Arnanguak Lyberth, Sara Fredsbo aamma Tikaajaat Kristensen
🔸 Speak: Emanuel Hansen Frederiksen
🔸 Erinniat aamma nipit / Musik og lyd: Petra Banke & Arnannguaq Gerstrøm
🔸 Nipinik katiterisoq / Lydredigering: Emanuel Hansen Frederiksen