INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#241 Oqaluttuarisaaneq uagutsinneersuussaaq / Historien skal komme fra os
INUNA Podcastimi immikkoortumi uani itsarnisarsiooq kulturilu pillugu saqqummiisartoq, Aka Simonsen, Katuami Greenland Science Weekip nalaani naapipparput.
Cafértaani issialluta itsarnisarsiuunngornissaa, suiaqartarnera nunatsinnilu kulturikkut kingornussat saqqummiuttarneri minnerunngitsumillu Issittumi ileqqorissaarluni ilisimatusarneq pillugu oqaloqatigaarput.
Akap siulitta pigisimasaanik nassaartarsimanini taakkulu qanoq isumaqarnersut pillugit oqaluttuuppaatigut — soorlu kalaaliusugut oqaluttuassatta oqaluttuarinissaani kalaallinit aallaveqarnissaata qitiutinneqartariaqarnera pillugu oqaluttuarluni.
I denne episode af INUNA Podcast møder vi arkæolog og kulturformidler Aka Simonsen midt i stemningen fra Greenland Science Week i Katuaq.
Vi har sat os i caféen, hvor vi taler med hende om hendes rejse ind i arkæologien, arbejdet i felten, formidling af grønlandsk kulturarv og vigtigheden af etisk forskning i Arktis.
Aka deler sine perspektiver på, hvordan fortidens spor stadig taler til os i dag — og hvorfor grønlandske fortællere spiller en central rolle i arbejdet med vores fælles historie.
Aaqqissuisoq / Tilrettelægger: Arnanguak Lyberth
Peqataasoq / Medvirkende: Aka Simonsen
Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Arnánguak Lyberth