INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#242 Greenland Science Week
Immikkoortumi uani Arnanguak aamma Sara Nuummi Greenland Science Week-imi peqataanertik eqqartorpaat. Sapaatip akunnera nunatsinni ilisimatusarneq pillugu ilisimatusarnerup silarsuaani saqqummiinermik oqaloqateqarnernillu imaqarluartoq.
Aaqqissuussaq paasisaqarfiginiarlugu aallarniutigalugu Avijâja Rosing Olsen, Arctic Hub-imi pisortaasoq Greenland Science Week suunersoq, suna siunertarineraa aammalu sooq ilisimatusartut, ilisimatusartut innuttaasullu ataatsimoortinnissaat taamak pingaartiginersoq oqaloqatigissavarput.
Kingorna Camilla Kleemann-Andersen, ph.d.-nngorniartoq, ilisimatusarfigisani tassanilu suliani pillugit avitseqatigilaassavaatigut.
Taakku saniatigut Sara aamma Arnanguak nammineerlutik misigisatik oqaloqatigiissutigaat:
Suut immikkut maluginiarpaat? Sunik ilikkagaqarpat? Qanorlu Nuummi aaqqissuussami taamak ittumi peqataaneq ippa?
Immikkoortoq eqqarsaatersuutinik naapitanik ilisimasalikkanillu soqutiginartunik imaqarluartoq.
I denne episode er Arnanguak og Sara taget til Greenland Science Week i Nuuk – en uge fyldt med forskning, formidling og samtaler om viden i, om og med Grønland.
Vi begynder med et indblik i arrangementet fra Avijâja Rosing Olsen, sekretariatsleder i Arctic Hub, der fortæller om formålet med Greenland Science Week, og hvorfor det er vigtigt at samle forskere, fagfolk og borgere på tværs.
Undervejs møder vi også ph.d.-studerende Camilla Kleemann-Andersen, som deler lidt af sit forskningsprojekt og de tanker, der driver hendes arbejde.
Derefter taler Sara og Arnanguak om deres egne oplevelser:
Hvad gjorde størst indtryk? Hvad lærte de? Og hvordan føles det at være en del af sådan et stort, inspirerende arrangement i Nuuk?
En nær episode fyldt med refleksioner, møder og spændende viden.
Suliaqartut:
Ilisarititsisut / Værter: Sara Fredsbo & Arnanguak Lyberth
Peqataasut / Gæster: Avijâja Rosing Olsen & Camilla Kleemann-Andersen
Musik og lyd: Erinniat aamma nipit / Musik og lyd: Petra Banke & Arnannguaq Gerstrøm
Nipilerisoq/Tekniker: Emanuel Hansen Frederiksen
Siullermik aallakaatinneqarpoq Novembarimi 2025-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa
INUNA podcast har hjemsted i Nordisk Teaterlaboratorium.