INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#243 Kalaallit Nunaata oqaluttuassartaa // Grønlands historie
Immikkoortumi uani INUNA Podcastimit Mira Jo Kleist aamma Jens Heinrich oqatoqatigaavut, attuakkioqataaffigisaat eqqartorlutigu.
Atuagaq ima ateqartoq: Kalaallit Nunaat - Inuiaqatigiit pileqqaarneraniit maannamut ineriartornerat Kalaallit Nunaata oqaluttuarisaaneranut nunattalu pinngorneranit ullumikkumut politikkikkut inissisimanitsinnut tunngalluni.
Inuit pingasut atuakkioqatigiikkaangata suleriuseq suna atorneqarsinnaava?
Atuakkami suut ilaatissallugit qanoq toqqartorneqartarpat?
Nunatsinni atuakkiaq siulleq, Mathias Storchip atuakkiaa, politikkimut qanoq atassuteqarpa?
Tamakkuupput immikkoortumi uani ilaatigut tusarfigisinnaasasi.
I denne episode taler vi i INUNA Podcast med Mira Jo Kleist og Jens Heinrich, der er medforfattere på bogen: Grønland – En rejse fra de tidligste tider til et moderne samfund, hvor de skriver om Grønlands historie, fra tilblivelsen af landet til den politik, der føres I dag.
Hvordan er processen, når man skriver 3 personer sammen om en bog?
Hvordan udvælger man de ting, som skal være med i bogen?
Hvordan hænger Grønlands første roman, skrevet af Mathias Storch, sammen med politik?
Det kan du bl.a. høre om her I denne episode.
Suliaqartut:
Ilisarititsisoq ataqatigiissaarisorlu / Vært og tilrettelægger: Mia Skifte Lynge
Peqataasut / Gæster: Mira Jo Kleist aamma Jens Heinrich
Erinniat aamma nipit / Musik og lyd: Petra Banke aamma Arnannguaq GerstrømNipilerisoq/Tekniker: Emanuel Hansen Frederiksen
Siullermik aallakaatinneqarpoq Novembarimi 2025-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa
INUNA podcast har hjemsted i Nordisk Teaterlaboratorium.