INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#246 Stenbroens jurister Sundholmimi / Stenbroens jurister i Sundholm
Immikkoortumi uani Stenbroens Jurister peqatigalugit Sundholmimiissagut – tassani kalaalerpaaluit sivikinnerusumik sivisunerusumilluunniit inissisimasarput. Taakku ilaat nunatsinniit tikeqqammersuupput, allalli sivisunerusumik tassaniissimallutik.
Juristit peqatigalugu suliaat qanimut malinnaavigaagut: tassani najugallit naapippaat, siunnersorlugit, tusarnaarlugit ulluinnarnilu ajornartorsiutaannik initusinnaasunik ikiorlugit.
Immikkoortoq una ikiuerusussusermut, qanilaarnermut pisariaqartitsilluinnartunillu aqqutissiuinermut tunngasuuvoq.
Tusarnaarit Sundholmimeeqataallutillu.
I dette afsnit tager vi med Stenbroens Jurister ud til Sundholm – et sted hvor mange grønlændere opholder sig i korte eller længere perioder. Nogle er netop ankommet fra Grønland, andre har boet der længe.
Sammen med juristerne følger vi deres arbejde helt tæt på: de møder beboerne, rådgiver, lytter og hjælper med de udfordringer, der fylder i hverdagen.
Det er et afsnit om menneskelighed, tilstedeværelse og om at bygge bro dér, hvor livet er allermest sårbart.
Lyt med – og kom med ind bag dørene på Sundholm.
Tilrettelægger og optagelser: Arnajaraq Joelsen
Speak: Arnanguak Lyberth
Lyd: Arnanguak Lyberth
Udkommet december 2025
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa